Dietas personalizadas en Vilagarcía, Vilanova e Caldas

Fátima Blanco Pomares é unha profesional autónoma da dietética e da nutrición dende o ano 2015, especializada na realización de dietas personalizadas para diversas patoloxías:

  • Sobrepeso
  • Obesidade
  • Problemas dixestivos
  • Hipertensión
  • Educación nutricional
  • Nutrición infantil

Experiencia previa

Despois de sufrir unha enfermidade vírica, o meu intestino cambiou, non se sabe se polo virus ou polo tratamento antibiótico que tiven que tomar debido a unha infección secundaria á enfermidade.

Comecei a non facer ben as dixestións, todo me sentaba mal, aumentáronme as intolerancias alimentarias e descubríronme unha alerxia a moluscos, cefalópodos e crustáceos, ata o momento inapreciable. O único que mantiña o meu aparato dixestivo sen molestias era controlar ben a dieta. Estaba desnutrida e non podía comer o que me gustaba, porque se o facía, ás horas ou aos poucos minutos, tiña uns cólicos extremadamente fortes, seguidos dunha gastroenterite.

Tiven que cambiar. Tiven que coidar a miña mucosa intestinal, comendo o que me sentaba ben e deixando o que me sentaba mal. Facer dieta sa, variada e equilibrada salvoume a vida. Física e psicoloxicamente.

É moi duro comer con medo e pensar que o teu xa non ten solución, que estás enferma e non hai cura. Nunha endoscopia para o descarte da enfermidade celíaca descubriuse que o meu epitelio intestinal estaba case plano, atrofiado, as vilosidades moi curtas, co cal tiña a capacidade de absorción moi reducida.

Así que empecei a documentarme sobre a importancia de manter un aparato dixestivo san, de como debía comer para recuperar a miña mucosa intestinal. E logreino, pola miña conta, porque non houbo ninguén que me explicase por qué uns alimentos me sentaban ben e outros non. Supoño que á parte de todos os especialistas que visitei, tería que ver a un profesional da dietética.

E fíxenme dietista. A miña vocación é a nutrición, e o meu obxectivo é axudar a aquelas persoas que teñan calquera problema que estea relacionado coa dieta. Mantendo unha dieta equilibrada, variada e axustada e facendo exercicio adecuado gáñase moita saúde e calidade de vida, e está nas nosas mans modificalo.

“Non se fai dieta un tempo, cámbiase a dieta para sempre”

O cambio de hábitos é o único que funciona a longo prazo, tanto para tratar o sobrepeso e a obesidade, coma se queremos controlar un intestino irritable, o colesterol, o ácido úrico ou a diabetes.

En Fátima Blanco Dietista axudamos a mellorar todos eses hábitos que afectan á alimentación de forma progresiva e paulatina, con pautas e plans dietéticos que só necesitan vontade de cambio.

Pide a túa cita previa e comeza un cambio na túa alimentación, ¡esperámoste!

Enlaces de interese

  • Logotipo de GUT
  • Logotipo de Aecosan
  • Logotipo de Face
  • Logotipo de AEP
  • Logotipo de AECC

Ponte en contacto con Fátima Blanco

Fátima Blanco Dietista ofrece dietas personalizadas para diversas patoloxías como sobrepeso, obesidade, problemas dixestivos, hipertensión... Non dudes en visitala.